ONGI ETORRI ESPEJORA ALDAIALDE LH6 - gaztejarduerak

Gaur hasi da gure abentura, barrez eta emozioz betetako autobus bidaia batekin, Espejora bidean. Iritsi garenean, ongietorri beroa egin digute, eta pixka bat gehiago ezagutu dugu lekua eta astean zehar egingo ditugun jarduerak.

Gero, gure logelak ikusi ditugu, eta atseden hartzeko eta lagunekin jolasteko denbora izan dugu.

Arratsaldean, izotza apurtzeko dinamikak egin ditugu eta "Get to know your teachers" jarduerarekin hobeto ezagutu ditugu. Gainera, artista bihurtu gara gure bideoklipa grabatzean, sormenez, barrez eta talde-lanez betetako esperientzia.

Dutxaren eta afariaren ondoren, eguna "Music box" jarduerarekin itxi dugu. Bertan, erronka dibertigarriak egin ditugu, eta barre asko eta une onak atera dira atseden hartzera joan aurretik.

Energiaz beteriko eguna izan da, lagun berriak eta aste ahaztezina hastearen emozioa.