📍 Osteguna – Irudimena, kontzientzia eta festa handia VERA CRUZ-ekin🚀🌍🎉 - gaztejarduerak

Gaur ostegunak ustekabean harrapatu gaitu goiz-goizetik 🌧️, eguraldi txarra zegoenez ezin izan baikara basora joan. Baina horrek ez gaitu gelditu, eta plana aldatu dugu benetako astronauta bihurtuz 👩‍🚀👨‍🚀 Trip to the Moon jardueran 🌕✨. Ilargira bidaiatzen ari ginela irudikatu dugu eta, taldeka, bertan bizirauteko zein objektu izango liratekeen garrantzitsuenak erabaki ditugu. Oso dibertigarria izan da, eta pentsarazteko ere balio izan digu!
Ondoren, Fix the World 🌍🤝 jarduera egin dugu. Bertan, pobrezia edo gosetea bezalako arazoei buruz hausnartu dugu eta konponbide posibleak proposatu ditugu. Ideiak partekatzeko, elkar entzuteko eta elkarrekin gauza handiak aldatu daitezkeela konturatzeko une polita izan da 💡💚.
Bazkaldu ondoren, arratsaldeko azken tailerrak hasi ditugu 🎨🎶🔍. Scavenger Hunt egin dugu, arreta eta talde-lana martxan jarriz; Music, erritmoa eta musika protagonista izan direlarik; eta Recycled Arts and Crafts, non material birziklatuekin diru-zorroak sortu ditugun ♻️👛, sormena landuz eta planeta zainduz.
Mini Olympics-etan Musical Chairs-ean jolastu dugu 💺🎵, korrikak, barreak eta azken segundorainoko emozioa bizi-bizi egon direlarik 😄🔥. Eguna amaitzeko, pizza eta nuggetak afaldu ditugu 🍕🍗 eta ondoren diskoteka 🕺💃 izan dugu, dantzan etengabe eta energiaz gainezka.
Ostegun oso-osoa izan da, ideiez, dibertsioz eta momentu ahaztezinez betea 💛✨.