Espejo 12-13 urte Uztailak 12-21 - gaztejarduerak

Gaur Añanako Gatz Arana ikustera joan gara. Bertan, oinak ur gazian busti ditugu, gatza nola egiten den ikasi eta frogratu dugu, gure salarioa irabaziz! Bazkal ordurako Añanako igerilekura joan gara arratsalde pasa egitera. Gauean, Eguzkilore jolasa egon dugu. Ah! Ia ahaztu zaigu zuei kontatzea. Badakizue ikusten dituzuen argazki gehienak gaztetxoek atera dituztela?

Gaur GARAION SORGINGUNEKO lagunak etorri dira, zumezko maskaren bidez sormena lantzeko. Goiz osoa eman dugu irudimena erabiliz norbera bere maskara ederra egiten. Goxo-goxo bazkaldu eta gero errekara joan gara apur bat freskatzeko eta askal ostean OIHANE PEREA eta AROA ARRIZUBIETA bertsolari Arabarrak etorri dira bertso tailer bat egiteko.
Gau partean eta bertsolariak bertan daudela aprobetxatuz, bertso saio dinamizatu ikaragarria egin dugu!  

Atzo jendez lepo egon zen erreka (asteburua) eta horregatik gaur, goizeko lehen orduan bainutxo bat hartzeko tartetxoa hartu dugu. Jarraian aterpetxera igo eta KANTU BAT abestia ikasi dugu, izan ere, bazkal ostean BULEGO taldeko TOM abeslaria etorri da bisitan. Galderak egiteko aukera izan dugu, abesti batzuk kantatu dizkigu… eta `Kantu bat´ abestia elkarrekin abestu dugu!

Bazkal ostean, aterpetxean bertan, ur jolasak egin ditugu eta patioa txukun-txukun utzi ostean afaldu eta `infektadora´ jolastu dugu.

Gaur Espejoko suhiltzaile parkea bisitatzeara joan gara. Lau taldetan banatuta parkeko gune desberdinak ikusi eta bizitzeko aukera izan dugu… bapatean larrialdi alarmak jo duen arte! Ziztu bizian atera dira suhiltzaileak parketxetik eta gu, aho zabalik, aterpetxera iztuli gara.
Bazkal ostean Boris Bringas Beat Box-alaria etorri zaigu bisitan. Ikaragarria!!! Bronx-eko zatitxo bat ekarri digu Espejora. Eta eguna amaitzeko,  Itxasoan galduta dinamika egin dugu

Gosaldu ostean, autobusa hartu eta Valderejoko Parke Naturalera joan gara. Bertako iterpretazio gunean gauza asko ikasi ditugu eta amaitzean aditz jolasera jolastu gara. 
Bazkal ostean, aterpetxera itzuli gara eta zuzenean errekara joan gara. Bertan jolas desberdinetara jolasten aritu gara txoko desberdinetan eta tarteka Omecillo errekan freskatzen egon gara. 
Dutxa hartu, afaldu, kuxkuxeroan sartutako oharrak irakurri eta Txiribito jolasean aritu gara. Gauak benetan atsegin ditugu!  

Goizean Txepetxa elkartearen laguntzaz eta inguruan dagoen biodibertsitate anitzari esker, txoriak zergatik eta nola eraztuntzen diren ikusi eta ikasi dugu. Ederra benetan!
Amaitutakoan berehala errekara sartu gara goiza fresko igarotzeko.  

Bazakal ostean, KAI NAKAI artista Gasteiztarraren abestiekin pare bat koreografia egin ditugu eta galdera sorta ederra prestatu dugu berari zuzenean egiteko. Kazetari finak gara gero! Iratxerekin (KAI NAKAI) primeran aritu gara perreoan, bera hobeto ezagutzeko aukera izan dugu eta autografoak sinatu dizkigu!

Afaldu eta gero, pintzak dantzan, kuxkuxeroa, ezkutaketa jolasa eta balorazioa egin ditugu, izan ere, freskoarekin gauza asko egiteko gogoa sartzen zaigu…

Goizean goiz errekara joan gara bertan bainu eta bainu artean hizkuntza jolasetan aritzeko: Nor da Nor, Ipuinen dadoak, Dooble, UNO…   Bazkaldu eta gero, taldea bitan banatu eta batzuk ortu tailerra egin duten bitartean besteak lehen sorospenetako dinamika dibertigarriak egin dituzte (gero talde aldaketa egin dugu). Zenbat ikasi dugun gaur!!! Gauean hainbeste gustatzen zaigun kuxkuxeroa eta gero, Zurrupalurrera jolastu dugu.

Gaur Euskalaka udalekuetako lehenengo eguna izan da: elkar ezagutzekoa, norbere burua kokatzekoa eta Espejo herria ezagutzekoa.
Heldu bezain pronto, izenak ikasi eta berehala pasta platerkada bat jatera joan gara. Bazkal ostean eta bakoitza bere logelan gauza guztiak kokatu eta gero, beroari aurre egiteko, bainujantzia jarrita errekara joan gara. Bertan, bainu eta bainu artean ezagutza dinamikak egin ditugu.  Afaldu eta gero, freskoarekin,  Espejo herriko leku esanguratsuenetatik zehar free- tourra egin dugu: eliza, frontoia, erreka…