✨ ASTEARTEA, Abenturak batzen jarraitzen dugu Toki Ederrekin ✨ - gaztejarduerak
Gaur, pilak kargatzeko gosari on batekin hasi dugu eguna, eta, ondoren, aisialdiko tarte bat izan dugu, Aramaioko eta Elciegoko ikasleen artean elkarrekin bizitzen eta lagunak finkatzen jarraitzeko aprobetxatu duguna. ☀️🤝.
Goizean zehar buru-belarri sartu gara jardueretan, aho zabalik utzi gaituzten magia trikimailuak ikasi ditugulako 🎩✨eta arte tradizionaletan parte hartu dugulako, gure alderik kreatiboena eta bitxiena atereaz. 🎨🖌️. Baita ere, domoan gauza asko ikasi ditugu landareei eta konpostari buruz. Bukatzeko aktibitatea, tipula bat landatu dugu bakoitzak!🧅🌿
Bazkaldu eta atsedenalditxo bat egin ondoren, arratsaldea oso jarduera txundigarriekin jarraitu dugu, storytelling-etik hasita, non geure herria sortu dugun, izen, arau eta tradizio super originalak irudikatuz. 🌍💭Geroago, argazkigintza egin dugu, ingurua beste begi batzuekin begiratzen ikasiz eta kanpamentuko uneak harrapatuz 📸😄.
Askariaren ondoren, miniolimpiadetan, zumba saio bat egin dugu, non dantzan, izerditan eta dena musikaren erritmoan eman dugun, irribarre erraldoi batekin eta energia positibo handiarekin amaituz. 💃🔥
Dutxaren eta afariaren ondoren, "Good, Better, Best" gaueko jarduerarekin itxi dugu eguna, barre egiteko, erronka ezberdinak eginez lehiatzeko eta elkarrekin gozatzen jarraitzeko unea 🌙✨
Azkenik, nekatuta baina oso pozik joan gara lotara, beste egun oso baten ondoren kanpamentuan 😴💤.
Topera jarraitzen dugu! 🥳💛
