Zuhatza 12-13 urte Uztailak 15-21 - gaztejarduerak

Egunon! Gaur musika ta hodeiekin jaiki gara. Gosarian indarrak hartu ta gero, uretara sartu eta surf eta optimist praktikatu ditugu. Buztinarekin eskulanak egiteko momentu lasai bat izan dugu; baina gehiegi erlajatu gabe olinpiadetan energiaz aritu ahal izateko

Gaurkoan parekidetasuna izan da landu dugun gaia.

Nagusion taldean, Altxorraren Jolasa eginez hasi dugu eguna eta horren ondoren gaurko gaiari helduz Izar Morearen jolasa egin dugu. Eguzkia lagun, bainutokian freskatzen eta gozatzen egoteko tartea izan dugu. Eta frontoiko rokodromoan eskalatzen egon gara.

Jada hirugarren egunean gaude! Gaurkoan, nagusiok piraguak hartu eta irla inguratu dugu. Ur ekintzetan ere, arraun probatzeko aukera izan dugu. Gainera, taldean, giza Xake jolasa ezagutu dugu eta elkarren arteko harremanak estutzen jarraitu dugu. 

Bigarren eguna jada!! Erritmo onarekin jarraitzeko eta Zuhatzan gaudela ez ahazteko, uretan pasatu dugu denbora dexente: surf/windsurf kirolak praktikatu eta pedalotan paseo lasaia eman dugu Ulibarri urtegia hobeto ezagutzeko. Honekin batera, zuhatzak gordetzen dituen altxor eta sekretuak deskubritzen ibili gara irlari buelta ematen genion bitartean.

Lehen eguna Zuhatzako irlan! A zer nolako ingurunea dugun hemen, natura edonon eta gainera egun eguzkitsu paregabea izan dugu.

Txalupan heldu garenean taldearekin elkartu gara hurrengo egunak elkarrekin gozatu ahal izateko. Ezagutza jolas ezberdinak eta ekintza oso dibertigarriak egin ditugu. Taldea behin osatuta kanpamenduak antolatu ditugu eta etxoletan kokatu gara.

Arratsaldean zehar “Master txef” ekintza izan da nagusi. Plater ezberdinak prestatu ditugu itxuraz oso gozoak zirenak… Barre algaraka ibili gara hezitzaileen aurpegiak ikusten gure prestaketak dastatu dituztenean!