Zuhatza 9-11 urte Uztailak 15-21 - gaztejarduerak

  5. Eguna jada! Hau ez da gelditzen, eta zerua goibel agertu zaigun arren, alaitsu aritu gara arraun, piragua eta pedaloetan. Haize hotzari aurre egiteko, altxorraren bila ibili gara burubelarri irlan zehar, eta frontoitik pasatzeko denbora izan dugu ere.

Gaurkoan parekidetasuna izan da landu dugun gaia. Txikiok, arraindegiaren jolasa egin dugu bainutokian eta pedaloan irla inguratzen ibili gara. Horretaz gain, arrautz hegalariaren jolasa egin dugu material birziklatuarekin zirkuitu bat sortuz.

Jada hirugarren egunean gaude! Txikien taldekook, pultseren tailerrarekin ekin diogu egunari. Jarraian, irlari buelta paregabea eman diogu eta ur ekintzetan optimist egin dugu.

Gaiari dagokionez, garrantzia berezia eman diogu naturaren aferari eta harekiko errespetua aldarrikatzeko mural handi bat egin dugu.

Gaur goizean goiz altxatu gara ta bigarren egunari energiaz betera ekin diogu. Eguzkia goian genuela, batzuk ur-jolasetan ibili gara; beste batzuk piraguetan irlaren ingurutik esploratzen eta trebatzen ibili garen bitartean. Frontoian aritzeko denbora ere izan dugu. Zelako egun mugitua!!!

Gaur Zuhatzako irlara iritsi gara, bertan hurrengo 7 egunak pasatzeko asmoz. Lagun berriak ezagutzeko aukera paregabea izango da eta ekintza ugari egingo ditugu elkarrekin.

Heltzerakoan taldeka elkartu gara eta hurrengo astean gure familia izango dena ezagutzeko dinamikak egin ditugu. Behin taldeka elkartuta dagokigun kanpamendura igo gara eta etxolak eta oheak antolatu ditugu.

Arratsalde osoa igaro dugu etengabe jolasten eta leher eginda amaitu dugu. Orain afaltzeko ordua da eta indarrak hartu ostean “Kode jolasa” gaubelaz disfrutatzeko aukera izango dugu.