Zuhatza 9-11 urte Uztailak 9-15 - gaztejarduerak

Amaiera badator eta azken eguzki izpiak aprobetxatzen aritu gara. Uretako jardueren ondoren, konpondu egin gara azken afarira joateko. Zuhatza salbatu dugu eta zientzialari eta animaliek festa batera gonbidatu gaituzte kanpamentua agurtzeko!

Gaur berriz ere eguraldi ona bueltatu da eta primeran etorri zaigu biharko ekitaldia prestatzen hasteko, beste batzuk windsurf eta optimistez gozatzen zuten bitartean. Eta egunari amaiera paregabea emateko, suaren argi eta berotasunaren inguruan kantuan arituko gara.

Abentura honetako erdialdera iritsita egun euritsu bati aurre egitea tokatu zaigu. Bainujantzia oso urrun utzi gabe gure tailerretan eskulanak egiteari ekin diogu. Ze politak geratu zaizkigun gure argazkietarako markoak eta pultserak! Arratsaldean ordea atera den eguzki apurra baliatuz bainatzeko gauzak hartu eta ur ekintzak egitera animatu gara. Pedalo, windsurf eta optimist izan dira gaurko erronkak. Biharko egunerako prest!

Egun eder eta berotsu bat ailegatu zaigu, eta gaur bai, plisti-plasta ibili gara piraguan eta basoen artean animalien bila. Baita ere busti gara ur jolas dibertigarri batzuekin. Baita ere topatu dugu untxi bat natura salbatzeko eskatuz, laguntzera goaz guztiok elkarrekin!

Gaur irla osoa inguratu dugu altxor baten bila! Behin altxorra aurkituta, irlan ezagututako txoko ezberdinetan ibili gara jolas ezberdinetan aritzen: Asterix eta Obelix, piratak eta merkanteak, Furor-furor... eta gainera ur ekintzekin hasteko astia ere izan dugu, piraguetan trebatzen hasiz. Orain bagoaz gaubela disfrutatzera!

Heldu da uztailak 9a eta honekin batera uhartea irribarrez eta gogoz bete zaigu. Bi zientzialari ero laguntza eskatu digute irlako animaliak salbatzeko beraz, aurrera goaz! Gaubela desberdinekin gozatuz bukatzen ari gara eguna, biharko energiak biltzera joan aurretik.