Ikasgelak aulak - gaztejarduerak

Gaur goizean La Milagrosako ikasleekin Larrea herrira joan gara basoan zehar paseo bat emanez. Bertan boloetara jolasten ibili gara eta zelaian Asterix eta Obelix jolasari ekin diogu.

Arratsaldean ikasleek proposatutako jolasak egin ditugu; hala nola, Bote-Bote, Zaldia eta zalduna... eta beste hainbat jolas pilota ezberdinekin.

Azkenik egunari amaiera emateko Kode jolasa egin duzu kontrako taldearen kode sekretua asmatu nahian.

La Milagrosekoen bigarren eguna gaurkoa. Gosarian indarrak hartuta, arraun eta piraguari ekin diote Laudioztarrek eta ondoren irlako bazterrak ezagutzeko ibilaldi eder bat egin dute. Arratsaldean berriz, frontoian batzuk eta beste batzuk surfean aritu dira ezinhobeto. Txokolatezko otartekoa jandakoan, urteko azken bainua eman dute pontoian eta gauean berriz, egonaldiari bukaera emateko, musika kutxa eskuz esku ari da pasatzen gazteei froga ezberdinak jarriz. Ekipo itzela La Milagrosakoena!

Bigarren eguna da gurea Espejon, eta goizean, Baronara joan gara oinez, Baronatarren jauregi zoragarri eta ederra ikusteko. Bueltan, eta hamaiketakoa janda; zoragarri pasa dugu gelakideekin batera. Arratsaldean, eskulanen txanda izan da eta askariaren ostean jolasean ibili gara Espejon bertan. Gauez, kode jolasean aritu gara ilunetan kodeak nork harrapatuko... Bihar arte!

Gaurko egunean Laudiotik etorri diren 37 gazteekin hasi dugu egonaldia.

La Milagrosa ikastetxetik etorri dira Barriara asko disfrutatzeko gogoekin. Beraz, egun beroari aurre egiteko zuhaitzen artean murgildu gara basoan. Bertan hainbat landare eta animali ikusteko aukera izan dugu eta haien ezaugarriei buruz solasean ibili gara.

Ondoren basoko materialekin etxolak egin ditugu zenbaki jolasean aritzeko bertan askaria jateko ordua heldu den arte.

Gauean indarrak sobran genituenez "Zurrupalurra" jolasean aritu gara korrika eta iluntasunean zehar izkutatzen.

Iritsi dira La Milagrosako 5. mailako gazteak Zuhatzara. Irribarrea aurpegian eta enerdia biziz ekin diote 3 eguneko egonaldi honi. Eguna jolasekin hasi dute, hezitzaileekin batera. Arratsaldean berriz pedaloan ibili dira gustora gustora, irla osoari buelta emanez. Ostean, aerobik eta dantza pixkat egin eta pontoian sartu dira freskatzeko asmoz.  

Lehen eguna Espejo eta inguruak ezagutzen. Aterpetxera iritsi, maletak utzi eta jolasteari ekin diogu. Behin tripak beteta, arratsaldean, Tuesta herrira egin dugu txangoa. Bertan merienda jan eta jolas bat egin dugu. Gauez berriz, zurrupalurra jolasean aritu gara iluntasunean poz-pozik.

Bigarren eguna izan da gaurkoa Niño Jesuseko gazteentzat. Goizean, basoan murgildu eta jolas kooperatiboak egin dituzte eta ostean talde erdia piraguan aritu dira eta beste erdiak frontoiak ibili dira jolasean. Arratsaldean berriz, windsurf eta pedaloetan gustura gustura ibili dira irla inguratzen. Ostean, pontoian azken bainua eman eta dutxa beroa hartzera joan da kuadrilla jator hau. Ia zer nolako gaubela prestatu dieten hezitzaileek azken gauerako... 

Behe lainoarekin batera iritsi dira Niño Jesus ikastetxeko 6. mailako ikasleak Zuhatzara. 2. kanpalekuan instalatu bezain pronto eta bertako hezitzaileak ezagututa, bainujantzia jantzita arraun, optimist eta piragua egitera sartu dira uretara. Orduan azaldu da Lorentzo, gazteei berotasuna ematera. Ostean, indarrak hartu eta irlari buelta eman diote bertako frogak eginez. Arratsaldeko bigarren partean, pontoian bainua hartu, dantza pixkat egin eta jolasak egin dituzte. Bapo afalduta, gaubela ari dira orain ezkutaketa jolasean.

Bigarren egun honetan, Calasanzeko gazteek, nahiz eta hotza egin, lakuan barrena murgildu dira,  batzuk pedaloan, beste batzuk optimistean aritu dira haizeak gidatuta eta taula gainean igo zaizkigu beste batzuk surf eta winsurfean ibiltzeko. Ostean, dutxa bero bat hartuta eskulanei ekiteko tartea hartu dute eta frontoiak jolasak egin dituzte. Arratsaldean berriz, frogaz betetako musika kutxa ibili da eskuz eskura eta askaria jan ostean, gauerako show-a prestatu dute taldetxotan. Gauean, beraien talentuak erakutsi dituzte eta ezinhobeto bukatzeko, talde osoa jarri da dantzan.

Calasanzeko LH5 eta LH6ko gazteek ur ekintza ezberdinekin hasi dute eguna; batzuk optimisten, beste batzuk piraguan eta beste talde talde bat surfean ibili da. Nahiz eta egun kaxkarra izan eta hotza egin ederto pasa dute. Ostean, frontoian, talde jolasak egin dituzte. Arratsaldean berriz, tailerrean bildu eta jolasean jarraitu dute. Arratsaldeko bigarren partean, gauean aurkezteko ikuskizuna prestatu dute eta eguna ezinhobeto bukatu da kanpalekuan antolatu duten festaekin.

Escolapios Calasanz ikastetxeko gazteak iritsi dira gaur uhartera. Kanpalekura heldu, etxoletan banatu eta jolas ezberdinak egin dituzte hezitzaileekin batera; xake partida erraldoia egin dute eta Flopi flopira ere ibili dira. Bazkalostean, indarrak hartuta, irlari buelta eman diote, pista amerikarreko frogak eginez eta txoko ederrak ezagutzeko aukera izanik. Arratsaldeari bukaera ona emateko, pontoian bainua hartu dute. Orain, gaubelarako prest daude gazteak!

5 eta 6. mailako Calasanztarrak ere iritsi dira gaur Zuhatzara. Kanpamenduak ezagutu, etxoletan banatu eta bainujantzia jarrita, ur ekintzetara hurbildu zaizkigu gazteak. Talde ezberdinetan banaturik, pedalo, arraun, windsurf eta piraguan ibili dira. Arratsaldean berriz, Zuhatza ezagutzeko aukera ezinhobea izan dute eta buelta oso eman diote irlari froga ezberdinak eginez. Kanpalekura itzuli eta dutxa beroa hartu ostean jolas ezberdinak eginez agurtu dute arratsaldea.

Iritsi da, Urkidekoek Zuhatzari agur esateko eguna. Motxila bete abenturarekin badoaz Urkideko DBH1eko taldea. Egun politak igaro dituzte elkarrekin jolasean, harremanak sakontzen eta naturaz gozatzen. Ia datorren urtean ere bertan elkarrekin gozatzeko aukera dugun. 

Gaur Inmaculada Concepcióneko ikasleak Larrea herriraino joan dira goizean. Bertan jolas pila bat egin dituzte eta boloetan ibili dira herriko bolatoki tradizionalean.

Arratsaldean eguzkiak gogor jo duenez tailertxo bat egin dugu eta ondoren Asterix eta Obelix jolasean aritu dira aterpetxeko patioan.

Azkenik beldur gau zirraragarria bizi izan dugu Barriako Hotelaren misterioa argitzen.

Bigarren eguna izan da gaurkoa Urkideko gazteentzat. Goizetik gogor ekin diote. Zapatilak jantzi eta irla inguratu dute bertan aurkitzen zituzten frogak eginez. Ondoren, freskatzeko bainua hartu eta jolasak egin dituzte. Bazkalostean berriz, basoan murgildu dira zenbaki eta aditzekin bi talderen arteko lehian. Askariarekin indarrak hartuta, ur ekintzak desberinak egiteko aukera izan dute; batzuk surf eta windsurfean ibili dira, beste batzuk, irlari buelta eman diote pedalo eta piraguetan eta arraunlariak talde lanean fin ibili dira. Gauean, musika kutxa eskuz-esku ibili da gazteei froga ezberdinak proposatzen. Agian, Urkidekoen zurrungak Gasteiztik entzungo dira gaurkoan.

Ongi etorri Barriara Inmaculada Concepcion!!

Hiru egun hauetan elkarrekin biziko gara eta modurik egokiena ondo hasteko ezagutza jolas batzuk egitea da. Horrela lagunen izenak eta nondik norakoak ezagutuko ditugu.

Arratsaldean Axpuru herrian zehar ibili gara detailerik txikiena ere topatu nahian. Kanasta, arraska eta eguzkiloreak topatu ditugu; gainerako elementuak hurrengorako utzi beharko!

Azkenik gauean lurretik botata egon gara izkutatuta Zurrupalurra jolasa egiten.

Hirugarren eta azken eguna Paula Montaleko ikasleentzat!

Goizean zehar 5. eta 6. mailako ikasleak basoan zehar abiatu dira eta bertan enbor eta zuhaitzen eroritako adarrekin etxolak egiten aritu dira.

Gazteenak bitartean aterpe inguruan geratu dira pista jolasa egiten. Barre algarak bota dituzte Barriako estatua imitatzen.

Urkide ikastetxeko DBH1eko ikasleak iritsi dira Zuhatzako irlara. Kanpalekua ezagutu bezain pronto, bainujantzia jantzi eta ur ekintzak ezberdinak egin dituzte. Arratsaldean, aldaketa egin dute eta beste ur ekintza bat probatzera sartu dira uretara; optimistean, arraunean, piraguan eta arraunean ibili dira poz pozik. Beste batzuk, frontoian aritu dira jolas ezberdinak egiten.

Gaurko egunean Paula Montaleko ikasleek hainbat ekintzetaz gozatu dute.

Txikienak goizean Axpurun ibili dira pista jolas erraldoi bati esker herriko kaleak eta biztanleak ezagutzen. Arratsaldean buztina eta naturak emandako elementuak erabiliz hainbat artelan egin dituzte.

Bitartean ertainak, 5. mailakoak, Larreako herrian ibili dira boloetan eta saskibaloian jokatzen. Gainera bidean zehar zaldi familia erraldoia hurbil-hurbiletik ikusteko aukera izan dute.

6. Mailako ikasleek goiz osoa igaro dute Lamia eta bere urrezko orraziaren bila aterpetxean zehar. Guztien artean froga ezberdinak gaindituz lortu dituzte orraziaren hiru piezak lotu eta Barriako istorioa ezagutzea.

Eguna amaitzeko oso iluntze polita bizi izan dugu guztiok elkarrekin jolasten genuen bitartean.

Ongi etorri Barriara Paula Montal - Escolapias!

Gaurkoan 4. Mailako ikasleek basora joateko aukera izan dute bertako animaliak entzutera eta hainbat zuhaitz ezberdin ezagutzera. Gainera naturak emandako elementuekin aterpeak egiten ibili dira gero harrapaketetan jolasteko.

5. eta 6. Mailakoak ordez motxilan askaria eta ura sartuta Axpuru eta Larrea herrietara irteeratxoa egin dute. Bertan boloetan jokatzen ibili dira arratsaldean zehar.

Eguna indarrez ere amaitzeko iluntasunari esker izkutaketetan ibili dira denak Zurrupalurra jolasean parte hartzen.

Hirugarren eguna iritsi zaie Lautadako ikasleei eta egonaldia bere amaierara heldu da. Ezin hobeto agurtu dugu Zuhatza azken ur ekintzekin,. Piragua, surf eta windsurfean aritu dira gazteak. Ostean kanpalekura igo, guztia atondu eta egonaldiaren balorazioa egiteari ekin diogu. Poz pozik doaz Aguraindarrak hurrengo batean elkar ikusiko dugulakoan. 

Iritsi dira Aguraingo Lautada ikastolako LH5 eta LH6ko gazteak Zuhatzara. Umoretsu eta energiaz beterik ekin diote egunari. Heldu bezain pronto, etxoletan banatu eta jolas ezberdinak egin dituzte hezitzaileekin. Bazkalostean berriz uretan sartzeko momentua iritsi da eta gazteak pedalo eta optimistean ibili dira poz pozik. Ondoren, bainu ederra hartu dute eta pontoian ibili dira jolasean tranpolin eta txirristatik botatzen. Egun ederra izan da gaurko.

A zer nolako giro ederra sortu zen atzo gaueko festan. San Bizenteko gazteak topera dantzatu zuten hezitzaileekin batera. Egonaldiari bukaera emateko dantzaldi paregabea San Bizentekoena. Gaur goizean, maletak egin, kanpamendua atondu eta hezitzaileekin batera Zuhatzan igarotako egun hauen inguruko balorazioa egin eta agur esan diegu Oion eta Vianako kuadrilla jator honi. 

2. eguna izan da San Bizenteko gazteentzat irlan eta ezinhobeto ari dira pasatzen. Pedalo, arraun eta surfean aritu dira eta baita frontoian ere, jolas desberdinak eta eskalada egiten. Arratsaldean, irlari buelta emango diote eta pista amerikarreko frogak eginez, osasuntsu daudela erakutsi dute. Harremanak gutxinaka sakonduz doaz eta giro aparta zabalduz gazte eta hezitzaileen artean.

Ongi etorri Zuhatzara, San Bizente!!! Goizean goiz iritsi dira DBH1eko gazteak eta 6. eta 7. kanpamenduetan instalatu bezain pronto, bainujantzia eta txalekoa jantzita, optimist, winsurf eta arraunean aritu dira. Arratsaldean berriz, ekintza aldaketa egin dute eta horietan ere, ezinhobeto ibili dira. Ostean, askaria jan eta bainua hartu dute pontoian. 3 egun eder dituzte aurretik ikaskideen artean elkar ezagutzeko.

Iritsi da Koldo Mitxelenako gazteen hirugarren eguna irlan. Atzo gaueko jaiaren ostean, indar berrituta esnatu dira gazteak, gaurkoan ere ur ekintza ezberdinak egiteko. Taldeak aldatu eta piragua, arraun eta pedalotan ibili dira. Ostean kanpara itzuli eta motxilak prestatu eta kanpalekua txukundu ondoren jolas ezberdinak egiteko aukera  izan dute. Zeinen azkar pasatzen diren eguna gustura zaudenean. 

Iritsi da Koldo Mitxelenako gazteen hirugarren eguna irlan. Atzo gaueko jaiaren ostean, indar berrituta esnatu dira gazteak, gaurkoan ere ur ekintza ezberdinak egiteko. Taldeak aldatu eta piragua, arraun eta pedalotan ibili dira. Ostean kanpara itzuli eta motxilak prestatu eta kanpalekua txukundu ondoren jolas ezberdinak egiteko aukera  izan dute.

Zeinen azkar pasatzen diren eguna gustura zaudenean. 

Azkar batean iritsi da hirugarren eguna Abendañoko ikasleentzat. Gaurkoan ere, goizean ur ekintzekin eta frontoiko jolasekin eman diote hasiera egunari, Piraguan, optimistean, windsurfean, zirku tailerra eta eskaldan aritu dira. Uretatik atera ostean, kanpalekura bueltatu eta egonaldiaren balorazioa egiteko. Primerako egonaldia igaro dute gazteek.

Irlan sartu berri dira Koldo Mitxelenako 1. DBHko ikasleak. 3 eguneko egonaldia dute aurretik elkar ezagutu eta harremantzeko. Goizean, heldu bezain pronto kanpamendutan banatu eta ezagutza jolasak egin dituzte arboladian. Arratsaldean berriz, ur ekintzak egin dituzte. Piragua, arraun eta optimistean ibili dira gazteak. Ondoren, askaria jan eta bainua hartu dute pontoian, txirristan gora eta behera eta tranpolinetik saltoak egin dituzte. Ederra izan da lehen eguna.Ia biharkoak zer dakarren.

Heldu da Mariturriko ikasleek Zuhatzako irlari agur esateko ordua. Atzo gaueko jaiaren ondoren, indartsu ekin diote egunari. Windsurfa, piragua eta pedaloetan banatu dira lakuan murgiltzeko. Ostean, jolas batzuk egin eta egonaldiaren balorazioa egin dute. Poz-pozik doa etxera Mariturriko gazte taldea. 

Bigarren eguna izan da gaurkoa. Goizean lehen partean irlari buelta eman dio taldeak, bertan aurkitzen zituzten pista amerikarreko froga ezberdinak eginez eta bigarren partean, batzuk pedalo eta optimestean ibili dira eta beste talde erdia frontoian aritu da, zirko, eskalada eta jolas ezberdinak egiten. Arratsaldean, jolas batzuk egin ondoren, bigarren ur ekintza egin dute. Gazteak ezinhobeto dabiltza, harremanak estutzen eta egonaldiari zukua ateraz! 

Mariturriko gazteak primeran ibili dira gaurkoan ere. Goizean zehar, jolas ezberdinak egin dituzte basoan; Aztia, ipotxa eta erraldoiaren harrapaketa jolasera eta aditzen jolasera ekin diote. Goizeko bigarren ekintza uretan izan dute; piragua, windsurf eta optimist.

Arratsaldean berriz, irlari buelta eman diote froga ezberdinak eginez, pontoian bainua hartu eta askaria jan ostean, eguneko bigarren ur-ekintzari ekin diote. Gaurko eguna ere zoragarri joan da. Zer egingo ote dugu gauean egonaldiari bukaera emateko?

Ikasturte berriari hasiera emateko, Abendañoko 5. eta 6. mailako ikasleak Zuhatzako irlan murgildu dira gaur. Irla zapaldu bezain pronto bainujantzia jantzi eta ur ekintzak egin dituzte: Arraun, windsurf, piragua, ... Arratsaldean berriz, kanpalekuan jolas desberdinak egin eta bainu eder batekin bukatu dute arratsaldea. 

Gaur Mariturri ikastetxeko LH3, LH4, LH5 eta LH6ko ikasleak iritsi dira irlara. Goizean, kanpalekua ezagutu eta begiraleekin batera jolas ezberdinak egin dituzte. Arratsaldean, bainujantzia jantzi eta Pontoian bainua eman ondoren, piragua, arraun eta optimistean ibili dira poz-pozik eta gainera eguzkia lagun. 

2. eguna izan da gaurkoa Urkideko gazteentzat eta ezinhobeto pasa dute. Goizean zapatilak jantzi eta irla inguratu dute, bertan aurkitzen zituzten froga ezberdinak eginez. Ondoren jolas ezberdinak egin eta pontoian freskatzeko tartea izan dute. Bapo bazkalduta, arratsaldean basoan zenbaki eta aditzekin lehian aritu dira bi taldetan banaturik eta arratsaldeko azken ekintza uretan egin dute; batzuk surf eta windsurfa probatu dute, beste batzuk pedaloan irlari buelta eman diote, baita piraguetan ibili direnak ere, eta arraunlariek gogor ekin diote talde lanari. Azken gauari ginda jartzeko, musika kutxa eskuz-esku aritu da gazteei froga ezberdinak proposatzen. Gaur, Gasteiztik entzungo dira beraien zurrungak.