2. DIA: Día de Geocaching - gaztejarduerak

Gaur goizean gogotsu esnatu gara egunari hasiera emateko. Gosaldu ondoren, motxilak prestatu eta kanpalekuko lehen jarduerari ekin diogu: igerilekuetara oinezko ibilbidea egin dugu Geocaching jolasean.

Geocaching jardueran, beste pertsona batzuek ezkutatutako puntu edo objektuak bilatu behar dira bidean zehar. Horrela, igerilekurako bidea abentura dibertigarri bihurtu da.

Igerilekuetan egun paregabea igaro dugu: bainuak hartu, uretara salto egin, mahai-jokoetan aritu eta primeran pasatu dugu. Arratsaldean, oinez itzuli gara aterpetxera.

Aterpetxera iristean, gauzak utzi, dutxatu eta afaltzera joan gara indarrak berreskuratzeko. Afaldu ondoren, Munduko Txapelketako partida ikusi dugu, eta eguna amaitzeko alderantzizko ezkutaketa jolastu dugu: pertsona bakarra ezkutatzen da, eta gainerakoek aurkitu ondoren, berarekin batera ezkutatu behar dira. Azkenik, lotara joan gara, atseden hartu eta biharko egunari indarrez ekiteko.