Osteguna kanpamentuan 🌞 - gaztejarduerak

Gaur ere egun zoragarria izan dugu kanpamentuan! Gosaldu ondoren, goiza gogotsu eta energiaz beteta hasi dugu.

Goizean, basora joan beharrean, Trivial oso dibertigarri bat antolatu dugu 🧠✨. Taldeek galdera askori erantzunez euren jakintza probatu dute, eta barre asko egin dugu, erantzun bitxiekin eta talde-lan giro politarekin.

Ondoren, herrian zehar paseo bat ematera atera gara 🚶‍♀️🚶‍♂️. Ingurua pixka bat ezagutzeko, hitz egiteko eta eguraldi onaz gozatzeko aprobetxatu dugu. Paseoa frontoian amaitu dugu, eta han jolasten ibili gara tarte eder batez. Ez dira falta izan korrikaldiak, bat-bateko jolasak eta algarak! ⚽🎾

Bazkaldu eta atseden pixka bat hartu ondoren, arratsaldeko tailerrekin jarraitu dugu. Arts and crafts tailerrean, umeek sormena martxan jarri dute eskulan politak eginez 🎨✂️. Ondoren, scavenger hunt edo altxorraren bila jolasean aritu gara: pistak bilatu, korrika egin eta taldean lanean aritu dira ezkutatutako objektuak aurkitzeko 🔎🏃‍♂️.

Eta eguna energiaz amaitzeko… miniolinpiadak! 🏅 Baina gaur bereziak izan dira, ohiko probak egin beharrean zumba klase dibertigarri bat egin dugulako 💃🕺. Musika, dantza eta giro bikaina; ezinezkoa izan da geldi egotea!

Gauean pizza afari berezia izan dugu 🍕, eta denei asko gustatu zaie. Eta ondoren… disko festa! 🪩🎶 Dantzan, kantuan eta musikaz gozatzen amaitu dugu eguna.

Egunero bezala, oroitzapen politak, jolasak eta abenturak pilatzen jarraitzen dugu. 💛