VERA CRUZ BIGARREN EGUNA - gaztejarduerak

Espejoko bigarren egunari ekin diogu!

Gaur goizean Tuesta herrira txango txiki bat eginez hasi dugu eguna. Herria aterpetxetik kilometro gutxira dago. Behin bertan, pistaren jokoan aritu gara, eta horri esker herri txiki honetako hainbat txoko eta interesgune ezagutzeko aukera izan dugu. Aterpetxera itzultzean, bazkaldu aurretik, hainbat jolas eta dinamika egiteko aprobetxatu dugu.

Arratsaldean, eguraldi ona aprobetxatu dugu berriro ibaian bainatzeko eta, ondoren, hainbat tailer eta jarduera egin ditugu, hala nola dantza-tailerra. Gainera, lipdub bat grabatu dugu.

Gauean, gure lipdub-aren emaitza ikusi ondoren, eguna “polis eta kakos” jokoan jolastuz amaitu dugu eta, jardunaldiari energia handiz amaiera emateko, diskoteka txiki batez gozatu dugu.