Espejo 12-13 urte Uztailak 12-21 - gaztejarduerak

Gaurko eguna ez da hain eguzkitsua izan, baina azken sprint honetan dena emateko gogoz esnatu gara. Hasteko, Boris Bringas izan dugu gurekin Beat Box tailerra egiten. Hip hoparen kulturaren oinarrizko ezagutzak eskuratu ondoren, jolas kooperatiboak egin ditugu.

Arratsaldea hasteko bainu freskagarria hartu dugu eguneko bigarren gonbidatua hartu aurretik. Eleder Iglesiasek, "Go! azen" telesaileko aktore eta magoak, bere bizi esperientziaz hitz egin digu.

Eguna gaubela atsegin batez gozatzen amaitu dugu, musika-kutxan jolasten eta kuxkuxeroko erronkak egiten 

Pixkanaka kanpamenduen amaierara iristen ari gara. Nekatuta gaude, baina azken unera arte gozatzeko gogoz.

Gosaldu eta indarrak hartu ondoren, ortu tailer batekin hasi dugu eguna, eta argazki-marko bat egin dugu. Goizeko bigarren zatian ibaira joan gara, egun beroa izan baita. Arratsaldean, hainbat jolas egin ditugu eta bertsolaritza tailer bat jaso dugu. Eguna kantuz eta bertsoz beteta amaitzeko bertso saio dibertigarria izan dugu. Hau amaitu da... Bihar arte!

Gaurko eguna Tuesta herrira egindako ibilaldi atsegin batekin hasi da. Han hamaiketakoa egin dugu eta itzuleran hizkuntza jolasak egin ditugu Espejoko frontoian. Bazkaldu ondoren, ibaira jaitsi gara, eta primeran pasatu dugu uretara bota eta karramarroak arrantzatzen. Askaldu ondoren ezagutza bingora jolastu gara elkar hobeto ezagutzeko.

Gaua aterpetxean ezkutatutako begiraleen bila amaitu da. Oso dibertigarria izan da ilunpetan patata-zaku eta zuhaixken artean bilatzea. Gero eta gehiago ezagutzen dugu elkar, eta egunak oso azkar igarotzen dira.

Udalekuen erdialdera iritsi gara eta "Hontza Extrem" abentura parkean ospatu dugu. Baso autoktonoz inguratuta, tirolina eta pasabideak zuhaitzetan eta emozioak bor-bor. Arku-tiroa egiteko aukera ere izan dugu.

Afaldu ondoren "KODE" jokoan aritu gara. Denborak hegan egiten du... Bihar arte!

Gaurko eguna barre eta jolas artean hasi da aterpetxean. Goizeko bigarren zatia ibaian igaro dugu. Uretan plisti plasta ibili ondoren bazkaldu dugu eta txangorako motxila prestatu dugu. Arratsaldean Villanañerako bideari ekin diogu Baronatarren dorrea ikusteko. Rodrigo Baronatarren etxean bisita gidatua egin ondoren, aterpetxera itzuli gara eta, eguna amaitzeko, gure lagunei kuxkuxeroan idatzi dizkiegun mezuak irakurri ditugu eta "KODE" jolas kooperatibora jokatu dugu. Zeinen ongi pasatu dugun.

Lehen argi printzek zetorrena iragarri dute. Hasteko, herri kirolen gaineko informazioa jaso dugu eta gero praktikan jarri. Bazkal ostean, errekan sartu behar izan dugu orain arteko egunik beroena izan da eta. Bukatzeko Lur Errekondoren bisita izan dugu. Gaubelan primeran pasatu dugu guztiok elkarrekin abestu eta dantzatuz.

Txoriak eraztuntzen hasi dugu gaur eguna. Hegaztien inguruko gauza pila bat ikasi ditugu. Horren ondotik, suhiltzaileen parkera joan gara. Bertako bizitza nolakoa den ikusi dugu. Arratsaldean berriz, errekara joan gara, eguraldi ederra izaten ari gara ta. Behin askaria hartuta, joalsean jarraitu dugu gaua etorri den arte. Zoragarria izan da "Zurrupalurra"-n aritzea. Hauxe izan da guztia, bihar arte