Zuhatza 12-13 urte Uztailak 16-22 - gaztejarduerak

Egunak pasa ahala, gure umeek ekintzak eta tailerrak egitn dituzte, esan genezake historiaren aroetatik nabigatzen ari garela. Hamaika jaioak gara zuhatza ere historiaren parte egiteko!

Bidaiatzera!!

A ze nolako eguna gaurkoa!

Gaurko bidaia pixkat ezberdina izan da.. Erdi Arora bidaiatu dugu! Sorgin eta sorginkeri artean… a ze nolako barreak! Hori bai, beti uretan tarteka! Ikusten denez Erdi Aroan ere behar zituzten bainutxoak bero hau aguantatzeko! Ur ekintza eta jolasekin konpondu dugu hori beraz, biharko eguna heltzeko irrikitan bidaiatzen segi ahal izateko!

Gabon Zuhatza!

Aintzinaroan esnatu gara gaur irlan Xare eta Elurrekin batera!

Mozorroak prestatu ditugu garaian sartzeko, baina materiala lortzea ez da erronka makala izan! Eta beroari aurre egiteko modu hoberik ez dagoenez… ur ekintzetan ere gustora ibili gara: arraunean “top, arraaaaun” oihukatuz eta windsurfean, taula menderatuta!

Garai ezberdinetako pertsonaiekin bukatuko dugu eguna kluedo jolasean!

Gaurkoan gure lagunak Xare eta Elur haien denboraren makinan historiaurrera ekarri gaituzte…eta hara! Pare bat dinosaurio topatu ditugu irlan zehar korrika! Eskerrak bertako basatiek lagundu gaituzten irlari itzulera ematen!

Gainera arraun, optimist eta piragua egiten ibili gara arratsaldean zehar, eta eskerrak, hau  bai beroa pasatu duguna!

Behin eguzkia mendi artean izkutatu denean aukera izan dugu gaubela paregabeak egiteko txiridino eta zurrupalurra jolasekin!

Heldu gara Zuhatzako irlara!!

Araba, Bizkaia eta Gipuzkoako lagun asko elkartzeko aukera izan dugu eta elkar ezagutzeko jolas pila bat egin ditugu goizean zehar.

Bazkalostean, itzaletan lasai egon ondoren, “pontoian” bainu eder bat hartzeko aukera izan dugu guztiok txirrista eta tranpolinetik botatzen. Zelaian musika jarri eta uretan dantzan eta freskatzen ibili gara beroari aurre egiteko.