Zuhatza 12-13 urte Uztailak 8-14 - gaztejarduerak

Eguzki eta beroa izan ditugu lagun aro modernora bidaiatu dugun egun hontan. Piraguan irla inguratu eta surfean aritzeaz gain, euskara izarra, xakea edota arraindegiaren jolasetan aritu gara. Bainu dibertigarria pontoian eta dutxara. Afal ostian, Kuxkuxero, Furor eta Zurrupalurra gaubelako ekintza bezela eta lotara. Ondoloin!

Gosaltzera jaistean konturatu gara garaia aldatu egin garela berriz ere. Oraingo honetan Erdi aroan esnatu gara eta jolasean hasi gara. Feudalismo desorekatura jolastu dugu, zeinetan ondo pasatzeaz gain, gizartearen inguruko hausnarketa bat egin dugu. Honez gain, beroari aurre egiteko, ur jolasak eta piraguan buelta eman dugu.

Gaurkoan antzinaroan esnatu gara eta zenturioiarekin hizketan egon eta gero, surf egitera joan gara. Honetaz gain, pedaloan irlari buelta eman eta pontoian bainatu gara. Egunari amaiera emateko, su bat piztu eta antzerkiak egin ditugu honen inguruan.

Kaixo familia!
Gaurkoan denboraren makinak Xare eta Elur historiaurrera garraiatu ditu. Gaiari loturik, hainbat jarduera ezberdin burutu ditugu irlan. Goizean zehar surf, optimist, arraun… eta bestelako ur ekintzetaz gozatu ahal izan dute nagusiek. Eta horrekin batera, aztarnen bilaketan oinarritzen zen jolas baten bidez irlari buelta eman diote, aldi berean ezaguna den pista amerikarraz disfrutatuz..

Zelako bistetaz gozatu dugun gaur iralara ailegatzean, untxiak eta ahateak agurtu eta laister kokatu gara gure kanpetan, lagun berriak ezagutu eta naturan murgildu. Egun luzea baino polita, jolas bikainekin, kodeak dezifratzen iluntasuna lagun dugularik eta horrela amaiera eman diogu egunari, bihar abentura hasiko baita!