Zuhatza 9-11 urte Uztailak 1-7 - gaztejarduerak

Eguna hastean eta aro modernoan geundela konturaraztean, piragua hartu eta uretara joan gara buruz. Horretaz gain, xake partidak jolastu ditugu eta bertsotan ibili gara denon artean. Musika kutxa izan da gaubela, dantzan joateko lotara. Ondo lo egin zuhatza!

Egun on Zuhatza. Berriz ere esnatu gara eta zer edo zer aldatu egin da irlan: antzinarora egin dugu bidaia eta zenturioi artean pasa dugu eguna, surf eginez, pedaloan ibiliz eta antzerkiak inprobisatuz. Egun latza! Eta bihar, zer gertatuko?

Kaixo etxekoak,

Ezin hobeto dabiltza gazteak, gainera eguzkia ere lagun izan dugu. Asteko protagonistak ezagutu ditugu, denboraren makinarekin historian atzera eta aurrera dabiltzan bi gazteekin historiaurrera egin dugu salto. Goizean irlari buelta eman diogu desagertutako espezie desberdinen aztarna eta fosilak bilatzen, pedaloan ibili gara gustura gustura. Arratsaldea bukatzeko, marmokak bezala ibili gara pontoian bainua hartzen.

Heldu dira uztaileko lehenengo egunak, eta honekin batera uhartea irribarrez eta gogoz bete zaigu. Sorginak harrera egin digu txalapartaren soinuaz lagunduta, eta, ondoren, kanpamendua, kanpakideak eta hezitzaileak ezagutu ditugu. Konturatzerako, afal ordua heldu da, eta gaubela desberdinekin gozatuz bukatzen ari gara eguna, biharko energiak berritzera joan aurretik.