Surf Loredon - gaztejarduerak

Surf, dantza eta barre askoz betetako 10 egun ondoren... aterpetxeari eta monitoreei agur esateko ordua iritsi zaigu.

Ze ondo hain pertsona politak batzen direnean eta giro ezinhobea sortzen denean!

MILA ESKER GUZTIEI :)

Gaurko egunean ez gara geldirik egon! Piraguismo egin dugu goizean eta paddle surf arratsaldean. Horretarako, Pedreñako hondartzara joan gara berriz ere eta piknika bazkaldu dugu.

Aterpetxean bueltan, dutxara joan gara zuzenean eta gero denbora librea izan dugu mugikorrak erabiltzeko eta voileibolean, futbolean eta palekin aritzeko besteak beste. 

Afaltzeko orduan, monitoreei lagundu diegu mahaia jartzen eta gainera barbakoa izan dugu afaltzeko.

Eta bukatu berri dugunean... dana eman dugu agur jaian dantzan eta algaraka!!!!

Udalekuko azkenaurreko eguna iritsi da eta aldi berean gure azkeneko surf klasea. 

Goizean, Olinpiadak izan ditugu "VANASSIA" eta "ZAMUNDA" taldeen artean eta honako joku hauetan lehiatu gara: lokots-bilketa, kas kes kis (tres en raya), sokatira, minutuaren proba, ninja eta futbola. Zorionak "Vanassia" taldeari garaipenagatik!!!!!!!

Bazkalostean, neoprenoak jantzi eta hondartzara joan gara. Itsasoa nahasi bazegoen ere, surf gaitasunak hobetzen jarraitu dugu, eta batez ere, oso ondo pasa dugu surf eskolako monitoreekin batera. Meriendatu eta gero, berdintasun tailerra izan dugu eta asko eztabaidatu eta ikasi dugu.

Gauean, egun hauetan asko eskatu dugunez, hondartzara joan gara berriz ere gaubela egiteko. Gaur "Estratego" jolasa tokatu da eta pilo bat gustatu zaigu!

Gure alde artistikoa atera dugu gaur eta aurpegia zein gorputza margotzeko margo bereziekin bodypainting egin dugu goizean zehar. Bero handia zegoenez, hondartzara joan gara bainua hartzeko.

Arratsaldean, surf klasea izan dugu eta itsasoa bare zegoenez, teknika hobetzean jarri ahal izan dugu gogoa. Aterpetxean bueltan, meriendatzeko eta edozeran jolasten denbora eman digute.

Geroago, Kantabriako Gobernuak babestutako toxikomania tailerra izan dugu, begiraleek erabaki-jolas baten eta proba ezberdinen bitartez dinamizatu dutena.

Gaubelan, bi taldetan mimika lasterketa tokatu zaigu eta ondoren, postontzia irakurri dugu. Ze ondo pasa dugun!

Bero handia egiten duen egunetarako ez dago ur-ginkana baino hoberik fresko-fresko egoteko eta aldi berean ezinhobeto pasatzeko!!!

Horixe egin dugu goizean zehar; besteak beste, "patata beroa", "mozkorren lasterketa", "bonba" eta "ur-ontzien lasterketa" bezalako probak izan ditugu. Eta nola ez... guztion arteko ur borroka batekin bukatu dugu. Gainera, hain animatuta geundenez, zunba eta guzti izan dugu!

Bazkaldu ondoren, Pedreñako hondartzara eraman gaituzte Windsurf egiteko, eta haize handia ez zebilen arren, monitoreek nabigatzen eta norabidez aldatzen irakatsi digute.

Gaubelan, postontzia irakurri eta gero, hainbeste disfrutatu dugunez goizeko zunba klasea, dantza, modelo desfilea, eta zenbait emanaldi izan ditugu. Gainera, gure arroparik eleganteenak jantzi ditugu honetarako, eta begiraleek ere super performance bat prestatu digute sorpresa moduan!!!

Gaur goizean, lehen sorospenen tailerra izan dugu hondartzan. Gero, Somora gerturatu gara ur-ertzetik paseo bat eginez. Toallak ipini ditugu arean eta joko ezberdinetan aritzeko denbora izan dugu: Uno, palak, voleibol eta uretan ere bainatu ahal izan gara.

Arratsaldean, Snorkel egiteko unea iritsi zaigu eta honako honetan, Los Tranquilos izeneko hondartzara joan gara pinuz inguratutako bide polit batetik. Bertan, hiru taldetan banatu gara eta batzuk betaurreko, tubo eta aletekin uretan sartzen ziren bitartean, besteek nahi zutena egiteko denbora librea izan dute. Oso arratsalde polita eta dibertigarria izan da!

Gaubela postontzia irakurtzen hasi dugu eta ondoren, lo-zakua hartu eta pijama jantzi dugu "Ejecutivo Agresivo" izeneko pelikula ikusteko, monitoreek prestatu dizkiguten palomitekin eta guzti!!!!

Gaur Santanderrera txangoa izan dugu.

Gosaldu ostean, Somoko portura joan gara ibiltzen Santanderrera eraman gaituen itsasontzia hartzeko. 

Santanderrera iristean, bi taldetan banatu gara Botin museoko erakusketa ikusteko. Horrez gain, bertako igogailu berezian igo gara badiako paisaiaz disfrutatzeko.

Beranduago, Magdalena parkera ekarri digute bazkaltzeko piknika eta bertan eseri gara danok lasai-lasai. Era berean, ingurunea ezagutzeko denbora izan dugu; itsas parkean foka, pinguino eta itsas lehoiak ikusi ditugu, kioskoan izozkia erosi dugu eta parkean primeran pasatu dugu danok batera jolasean.  

Aterpetxean bueltan, denbora izan dugu dutxak, mugikorrak eta nahi genuen jolasetan aritzeko. Halaber, atzo egindako postontzian papertxoak sartzen ere hasi gara.

Gaubelarako "Furor" tokatu zaigu gaurkoan eta taldeka abesten egon gara ahotsik geratu arte, eta ondoren... super postontzia irakurtzeko ordua! Primeran pasatu dugu.

Goizeroko asanbladaren ondoren, hondartzara joan gara berriz ere jolas aktiboak egitera. Besteak beste, honako jolas hauek egin ditugu: "korapiloa askatu", "baloi errea", "bonba" eta "sokatira". Geroago, itsasoan bainatu gara noski.

Arratsaldean, sormen-tailerra tokatu zaigu; marrazkiak eginez eta aterpetxe ondoko elementu ezberdinak pegatuz, pankarta handi-handi bat sortu dugu. Horrez gain, hemendik aurrera gure "postontzia" izango dena ere egin dugu non egunero papertxoak sartuko ditugun iradokizun, txiste, txantxa eta erronka ezberdinekin. Gauero, monitoreek irakurriko dizkigute papertxoak gaubelaren bukaeran.

Askaldu ondoren, surf klasea izan dugu eta itsasoa oso nahasita bazegoen ere, pila bat disfrutatu dugu olatuak hartzen! Udalekua bukatzen denerako surfista profesionalak izango gara!! 

Gaubelan, "la baraja humana" eta "faros y fareros" izeneko jolasetan aritu gara.

Ze goiz polita pasa dugun hondartzan!

Zenbait jolas egin ditugu taldeka lehiatuz: "la hamburguesa", "ven, vete, vamos, iros", "pañuelito doble" eta "pañuelito borracho". Gainera, itsasoan sartu ahal izan gara monitoreekin batera eta a zer-nolako olatuak zeuden! Primeran pasatu dugu.

Bazkalostean, GJH (Garapen Jasangarrirako Helburu) tailerra izan dugu  eta horren ondoren, saltxitxoi bokata meriendatu dugu indarrak berritzeko udalekuko lehenengo surf klaserako. 

Gauean, "Aztarna" gaubela izango dugu.

Udalekuaren lehengo eguna urduri eta energia handiarekin hasi dugu, baina batez ere, ilusioz beteta eta gogo handiarekin!

Loredoko aterpetxerako bidaian euria barra-barra ikusi dugu autobusetik, baina zorionez, ateri du bertara iristerakoan eta eguzkia alde izan dugu egun osoan.

Ezagutza jolasak egin ditugu gure artean bai eta monitoreak ere ezagutzeko, eta beranduago, maleta hustu eta lo-zakua jarri dugu hurrengo 10 egunetan izango ditugun geletan. 

Horrez gain, surf eskola ikustera joan gara non bakoitzari neopreno bana eman diguten. 

Eta egunari amaiera emateko... ze ondo pasa dugun gaubelan "Muercielago" eta "Sircan" jolasetan!!!